საყვარელო ცოლუკა!

ავტორი : თეკლა გორდელი

ვიცი, 21-ე საუკენეა და ან sms უნდა გწერდე, ან კიდევ მაილს გიგზავნიდე. skype და სხვა საკონტაქტო საშუალებები კი იცი, რომ შორეულ ნაოსნობაში არ არი ფუფუნების საგანი. ამიტომ, წერილს ვატან მართინის სურნელით გაჯერებულ ”Fiero " -ს ბოთლს.  წუხელ, შენზე ფიქრისას ვწრუპავდი ციტრუსის გემო აქვს და უფრო მეტად წითელი ფორთოხლის არომატი ჭარბობს. წითელ ფერზე გამახსენდა-კაბა გიყიდე. შენი სხეული რომ მოუხდება ისეთი, შენი ხასიათივით მგზნებარე და თვალებივით კაშკაშაა. აქ ყველა დღე ერთმანეთს ჰგავს უშენოდ...

ხომ იცი სმა არ მიყვარს, არც აქ გვრთავენ ნებას ხშირად გადავიდეთ ხმელეთზე და თავს უფლება მივცეთ გართობის. ისე მართალიცაა, ასეთი დღის შემდეგ, მეორე დილით ყველას გვეზარება მუშაობა.

თავში  შენი იდეა  მიტრიალებს გამუდმებით.  აი, ჩვენს მიწის ნაკვეთზე სასტუმროს აშენება რომ დაიჩემე. ცუდი აზრი არ უნდა იყოს, მაგრამ ფულია საჭირო. მე ამ რეისიდან 20,000$  ჩამოვიტან. ბანკშიც ხომ გვაქვს წინა ნაოსნობიდან დანაზოგი? სესხიც ავიღოთ, ახლობლებსაც ვთხოვოთ და ფრთები შევასხათ შენს ოცნებას. როგორი წარმომიდგენია იცი? დაახლოებით ასე 4 სართულიანი სასტუმრო 12 მყუდრო და კომფორტული ოთახით, დილის მზისფერი აივნის მოაჯირებით, საცურაო აუზით ( მერე რა რომ ზღვა იქვეა ), მინი რესტორნები ეზოში,  პრინციპში 2 საკმარისია, ბუნგალოს სტილში მიახლოებით. მზარეულები და ”სერვიროვკა” შენ არ გეშლება ;) ერთში ქართული კერძები გავუშვათ და მეორეში კიდევ ევროპული, აზიური და ზღვის პროდუქტები. ბარის მუშაობაც უმთავრესია, კარგი და ექსკლუზიური კოქტეილები თუ ვერ შესთავაზე დამსვენებელს და სხვაგან წავიდნენ სურვილის დასაკმაყოფილებლად ცუდია ჩვენთვის. ამიტომ, ერთი კოქტეილის ექსკლუზიურ რეცეპტს მე ჩამოვიტან და ის იყოს საფირმო :) აუცილებლად გავაკეთებინოთ ავტოსადგომი დაპროექტებისას არქიტექტორს, პრინციპში ღია ცის ქვეშაც რომ იყოს, არაუშავს, ხედსაც მოუხდება ისე განვათავსებთ მისადგომებს.

გახსოვს, ჩვენი ნაკვეთი ყიდვისას იმიტომ მოგვეწონა  სუბტროპიკული ხეებითა და მცენარეებით დაფარულ ულამაზეს ხეობაში რომ არის და იქვეა ზღვაც. შარშან, მთის და ზღვის ჰაერი ორივე ერთად რა კომფორტულ მიკროკლიმატს ქმნიდა არა?! ამიტომაც მგონია, რომ გაამართლებს ჩვენი ჩანაფიქრი და დამსვენებელსაც ამ გამორჩეული ნიშის გამო მოესურვება ჩვენთან დაისვენონ სრულყოფილად და გახდნენ ჩვენი კომპლექსის მუდმივი ვიზიტორები. ამდენს გწერ, გწერ და სახელი არც კი დამირქმევია...

რადგან, ეს ყველაფერი შენი ოცნებაა, რომელიც ჩემს გონებაში დაფრინავს გამუდმებით და შუა ზღვაში, ამ დალოცვილ ცაზე,  სულიერს თოლიების მეტს ვერაფერს ვხედავ, სახელიც ამათი ჰქონდეს ”თოლია”.

ვიცი, 21-ე საუკენეა და ან sms უნდა გწერდე, ან კიდევ მაილს გიგზავნიდე. skype და სხვა საკონტაქტო საშუალებები კი იცი, რომ შორეულ ნაოსნობაში არ არი ფუფუნების საგანი. ამიტომ, წერილს ვატან მართინის სურნელით გაჯერებულ ”Fiero " -ს ბოთლს.

წერილს, ემოციებით და ოცნებებით სავსეს. სანაპიროსთან დახვდი ის აუცილებლად, 

აუცილებლად მოვა შენთან!!!